Në kuadër të 80-Vjetorit të Çlirimit të Atdheut në TKOB u rikthye baleti “Plaga e Dhjetë e Gjergj Elez Alisë”, një vepër shqiptare që i ka rezistuar kohës.
Me kompozim të të madhit Feim Ibrahimi, libret të gjeniut të letrave, Ismail Kadare, koreografi të mjeshtrit Agron Aliaj, skenografi dhe kostumografi të të madhit Naxhi Bakalli, e baletmaester Edi Blloshmi dhe Alisa Gjoni.
Dashuria dhe sakrificat për atdheun dhe njerëzit e dashur, lajtmotivi i jetës së heronjve të legjendave shqiptare.
Legjenda nis me Gjergj Elez Alinë, i cili ka nëntë vite që dergjet në shtrat nga plagët e marra dhe përfundon me duelin e Gjergj Elez Alisë me bajlozin.
Ndonëse me nëntë plagë në trup, Gjergji e vret atë. Në kulmin e gëzimit, ai mbyll sytë përgjithmonë nga plaga e dhjetë që ka marrë, në krahët e të motrës dhe mes kreshnikëve të tij.